400 маман жылу электр орталығын жөндеуге кірісті. Алдымен жоспар бойынша қызметкерлер 8 қазандық агрегатын тексеріп, біртіндеп жөндеуі тиіс, деп хабарлайды Qyzyljarnews.kz тілшісі.
«Севказэнерго» АҚ баспасөз қызметінің мәліметінше, қазір № 5 колоагрегат алаңдарында жұмысшылар су өткізу құбырларының түйіспелерін тазалайды, түтін сорғының қысымды газ құбырын ауыстырады. № 4 қазандық агрегатында оқшаулау бөлшектеліп, ауыстыру үшін жабдықтың бір бөлігі алынады, бекіту және реттеу арматурасы жөнделеді.
— Биіктігі бойынша орташа қазандық агрегаты 10 қабатты үйге тең. Ол күрделі құбыр жүйесінен тұрады, сондықтан жөндеу алдында энергетиктер алдымен қорғаудың барлық қабаттарын алып тастап, содан кейін ақауларды іздеп, жоюы керек. Ескі ауа жылытқышы бөлшектелген. Енді жаңасына ауыстыру қажет. Қазандыққа ауа жібермес бұрын, көмір шаңын кептіру үшін оны жылыту керек – бұл процедура отынды ұнтақтау кезінде бір-біріне жабысып қалуға мүмкіндік бермейді,-деп түсіндірді баспасөз қызметі.
Фото Qyzyljarnews.kz / Талғат Тәнібаев
