Полицейлер солтүстікқазақстандық жасөспірімдерге жол қауіпсіздігі ережелерін түсіндіруде.Мамандар оқушылармен кездесіп, жаз мезгілінде жиі болатын оқыс оқиғалар туралы баяндады, деп хабарлайды Qyzyljarnews.kz тілшісі.
Соңғы 5 ай ішінде облыс аумағында балалардың қатысуымен 11 жол-көлік апаты тіркелді. Салдарынан, 1 бала қаза тауып, 12-сі түрлі жарақат алған. Сондықтан, бұл мәселе – ерекше бақылауда. Кездесу барысында тәртіп сақшылары балалар мен жасөспірімдер арасында нашарқорлыққа тәуелділік және шомылу маусымы мен өрт қауіпсіздігі туралы түсіндіру жұмыстарын жүргізді.
-Ата-аналарды балаларының араласатын ортасына мән беріп, үйге ерте оралуын, түнгі уақытта көшеге шықпауларын бақылауға алуларыңызды сұраймын, — деді СҚО ЖПҚБ инспекторы Айгүл Кәрімова.
Жыл басынан бері кәмелетке толмаған балаларға қатысты 21 қылмыстық іс қозғалды. 1700-ден астам заңды тұлға әкімшілік жауапкершілікке тартылды.
Фото: ашық дереккөздерден
