Шілде айының бірінші онкүндігінде Қазақстанның басым бөлігінде циклонның әсерінен және атмосфералық фронттардың өтуіне байланысты ауа райы тұрақсыз болады, деп хабарлайды Qyzyljarnews.kz тілшісі.
Қазақстанның батыс өңірлерінде айдың басында, елдің қалған аумақтарында — шілде айының бірінші онкүндігінің ортасында жаңбыр жауады.
Шілде айында найзағай ойнап, бұршақ жауып, дауыл соғады деген болжам бар.Секундына 15-25 метрге жететін жел соғады. Солтүстік теңіз аудандарынан суық ауа массаларының басып кіруімен елдің солтүстік жартысында ауа температура түнде +5+13°С, күндіз +18+28 ° С-тан төмендейді деп күтілуде.
Республиканың оңтүстік жартысында сынап бағанасы түнде +20+25°С-тан +12+20°С-қа дейін, күндіз +30+38°С-тан +23+30°С-қа дейін жетеді деп болжанады.
Шілденің бірінші және екінші онкүндігінің басында күн ысып, елдің оңтүстік-батыс жартысында термометр бағамы +30+40°С дейін көтеріледі. Солтүстікте, орталықта және шығыста сынап бағанасы +25+33°С дейін жетеді.
Айдың ортасында күн салқындап, республиканың басым бөлігінде найзағай ойнап, оңтүстік және батыс өңірлерде шаңды дауыл соғып, жел күшейеді.
Айдың екінші жартысында елдің оңтүстік жартысында түнде сынап бағанасы +15+20°С-тан +18+25°С-қа дейін, күндіз +25+30°С-тан +35+42°с-қа дейін, солтүстік жартысында түнде +10+15°С-тан +15+20°С-қа дейін, күндіз +20+28°С-тан +28+35°С-қа дейін көтеріледі.
Фото: ашық дереккөздерден
