389
Полицейлер Петропавлда Пестрое көлінің маңында Түркістан облысында жоғалып кеткен жасөспірімдерді тапты, деп хабарлайды Qyzyljarnwews.kz тілшісі.
Полиция департаменті баспасөз қызметінің мәліметінше, 16 жастағы бала 3 досымен бірге ел аралаймыз деп шығып кеткен. Барлығы кәмелетке толмағандарды бейімдеу орталығына жеткізілді. Ата-аналарына ұлдардың қайда екені туралы ақпарат жіберілді.
Осыған дейін Пестрое көлінде тағы бір жеткіншек табылды. 12 жастағы бала маусым айында үйінен кетіп қалған екен.
– Ата-аналарды балаларына көбірек көңіл бөліп, не нәрсеге қызығып, кіммен араласатынына ерекше назар аударуға шақырамыз, – деді жергілікті полиция қызметі бөлімінің бастығы Рустам Садулов.
