Петропавл әкімі тұрғындарды қаланы таза ұстауға шақырды, деп хабарлайды Qyzyljarnews.kz тілшісі.
— Бірнеше мәселені қарасдық. Рұқсат етілмеген орындар мен ірі көлемді қоқыстар мәселесі бүгінгі күнге дейін өзекті болып отыр. Күн сайын Ikomek-109 ахуалдық орталығына тұрғындардан шағым түседі. Жеке сектор тұрғындарын қаламызды бірге таза ұстауға шақырғым келеді. Тұрғындар қоқыс шығаратын компаниямен келісім жасасуы керек. Сол кезде кәсіпорын контейнерлерді орнатып, қоқысты мезгіл — мезгіл шығарып тұратын болады, — деп атап өтті қала басшысы.
Сондай — ақ, әкім ірі көлемді қоқысты шығару ҚТҚ тарифіне кірмейтінін атап өтті. Ол үшін қоқыс шығаратын компанияларға немесе мүлік иелері бірлестігі, пәтер иелері кооперативі мен қарапайым серіктестіктерге жүгіну керек.
— Қалалықтардан қоғамдық көлік, ескі ағаштарды кесу және Береке саябағы бойынша өтініштер келіп түсті. Бұл мәселелердің барлығы менің жеке бақылауымда болады, — деді Руслан Аңбаев.
Фото: Qyzyljarnews.kz\Талғат Тәнібаев
