Солтүстік Қазақстан облысында жыл басынан бері 533 өрт оқиғасы орын алса, соның 396-сы тұрғын үй секторынд болғана. 33 адам қаза тауып, 12 кісі құтқарылды, 163-і эвакуацияланды, деп хабарлайды Qyzyljarnews.kz тілшісі.
Жақында К.Сүтішев көшесі, 17 мекенжайындағы 9 қабатты үйдің шатыры өртке оранды. 3 минуттың ішінде оқиға орнына 7 техника, екі өрт сөндіру бөлімінен 20-дан астам адам келді. Тұрғын үйден 50 адам эвакуацияланды. Зардап шеккендер жоқ.
– Біздің қызметкерлер ғимараттың шатырына шыққан кезде 4 шаршы метр аумақта битум жанып жатқанын анықтады, 30 минуттың ішінде өрт сөндірілді. Өрттің шығуына жөндеу жұмысы кезінде өрт қауіпсіздігі ережелерін бұзу себеп болған, – деп хабарлады Солтүстік Қазақстан облыстық төтенше жағдайлар департаменті өрт сөндіру және авариялық-құтқару жұмыстары қызметі бастығының орынбасары Николай Белоусов.
