Солтүстікқазақстандық боксшы мексикалықты өз шаршы алаңында нокаутқа түсірді

Жеңіл салмақта WBA International белбеуіне ие қазақстандық боксшы Евгений Павлов кезекті жеңісіне қол жеткізді, деп хабарлайды Qyzyljarnews.kz тілшісі.

Ол Мексикада өткен бокс кешінде жергілікті Хесус Гомес Кинтанамен (11-7, 8 КО) жұдырықтасты. Жекпе-жек 5-раундта техникалық нокаутпен аяқталды. Жеңіліп көрмеген қазақстандық боксшы кәсіпқой бокста осымен 8-жеңісіне жетіп отыр. Оның алтауы – нокаут. Ал карьерасында 11 жеңіске жеткен мексикалық болса, осымен қатарынан 8-рет жеңіліп отыр.