Петропавлда биыл отбасының шырқын бұзған 1092 адам жауапқа тартылды, деп хабарлайды Qyzyljarnews.kz тілшісі.
Солтүстік Қазақстан облысы полиция департаменті баспасөз қызметінің мәліметінше, қаңтар айында дастархан 59 жастағы Петропавл тұрғыны әйелін пышақтап тастаған. Ақпанда сот пробациялық бақылау бекітіп, бұзақының 4 жылға бас бостандығын шектеді. Сондай-ақ, алкогольдік ішімдік ішуге және спирттік ішімдіктер сататын көңіл көтеру орындарына баруға тыйым салды.
Алайда ер адам жарты жыл ішінде қойылған талаптарды бірнеше рет бұзды. Енді ол жазасының өтелмеген мерзімін түрмеде өткізеді. Петропавл тұрғынының бас бостандығын шектеу жазасы бас бостандығынан айыру жазасына ауыстырылды. Ер адам бұған дейін де бірнеше әкімшілік жауапқа бұзақылық, тыныштықты бұзу және абаттандыру қағидасын бұзу бойынша тартылған екен.
– Тұрмыстық зорлық-зомбылық – бүгінгі күнің өзекті мәселелерінің бірі. Зорлық-зомбылықтың құрбандары үйдегі дау-жанжалды сыртқа шығарғысы келмей, кешіріп жатады. Алайда, тәжірибе көрсеткендей, мұндай қарым-қатынастың салдары кейін ауыр болуы мүмкін. Жыл басынан Петропавлда отбасылық-тұрмыстық қатынастар саласында құқық бұзушылық жасағаны үшін 1092 адам жауапқа тартылды, — дейді Петропавл қалалық ПБ ЖПҚ бөлімі бастығының орынбасары Айдын Ақмағамбетов.
