Қазақстан Республикасы Үкіметінің Қаулысымен СҚО әкімінің бұрынғы орынбасары Сұлтанғазиев Тимур Сламжанұлы Қазақстан Республикасы Денсаулық сақтау министрінің бірінші вице-министрі қызметіне тағайындалды, деп хабарлайды Qyzyljarnews.kz тілшісі.
Бұл туралы Қазақстан Республикасы Премьер-Министрінің баспасөз қызметі хабарлады.
Тимур Сұлтанғазиев 1982 жылы Алматы қаласында туған. Қазақ ұлттық медицина университетiн, Tulane University (АҚШ) бiтiрген. Еңбек жолын 2005 жылы С.Ж. Асфендияров атындағы Қазақ ұлттық университетінің №1 қалыпты анатомия кафедрасының зертханашысы болып бастады.
2010 жылы – «Республикалық медициналық жедел жәрдем ғылыми орталығы» АҚ білім бөлімінің жетекші маманы, маркетинг және стратегия бөлімі бас маманының міндетін атқарушы қызметін атқарса, 2010-2013 жылдары «Ұлттық медициналық холдинг» АҚ Инновация және технологиялық трансферт департаментiнде жұмыс істеді.
2018-2020 жылдары Тимур Сламжанұлы Солтүстік Қазақстан облысы Денсаулық сақтау басқармасының басшысы қызметін атқарса, 2021-2022 жылдары СҚО әкімінің жұмыспен қамту және денсаулық сақтау мәселелері жөніндегі орынбасары болды.
