8 қарашада академия бастығының орынбасары полковник Қайрат Токиннің басшылығымен Мамлютка орта мектеп-интернаты базасында Ұлттық ұлан академиясының әскери қызметшілері жоғары сынып оқушыларына арнап әскери танымдық дәріс өткізді , деп хабарлайды Qyzyljarnews.kz тілшісі.
Іс-шара акт залындағы концерттен басталып, онда академияның әскери оркестрі мен оның солистері оқушыларға арнап өнер көрсетті. Бұдан кейін полковник Қайрат Токин Ұлттық ұлан Академиясының қалыптасу тарихы мен жетістіктері туралы баяндама жасады. Кейін оқушылар үшін әскерилендірілген эстафета, әскери техника мен атыс қаруын көрсету ұйымдастырылды. Оқушылар атыс қаруын бөлшектеу мен құрастыруды өз бетінше жүзеге асырып, нағыз жауынгерлік машиналардың рөліне отыра алды.
Балаларға арнаған сөзінде полковник Қайрат Токин жас патриоттарға әрқашан алға қойған мақсаттарына қол жеткізуді, оқу мен спорттағы жеңістерге ұмтылуды, өз елінің патриоттары мен лайықты азаматтары болуға шақырды.Өз кезегінде оқушылар аталған іс-шараны ұйымдастырғаны және өткізгені үшін әскери қызметшілерге алғыстарын білдірді.
Фото: Ұлттық ұлан академиясының баспасөз қызметі
