Республикалық қоғамдық штаб Тайынша ауданында үгіт-насихат жұмыстарын жүргізді

Қазақстан Республикасы президенттігіне кандидат Қасым-Жомарт Тоқаевты қолдау мақсатында Қазақстан Республикасы Парламенті Мәжілісінің депутаты, Республикалық қоғамдық штаб (РҚШ) мүшесі Дмитрий Колода бастаған Халықтық коалиция өкілдері Солтүстік Қазақтан облысындағы Тайынша ауданына барды, деп хабарлайды Qyzyljarnews.kz тілшісі.

Кездесу «EMCAgro» ЖШС және «BioOperations» ЖШС-да өтті. Бұл – аудандағы шикізатты өңдеумен айналысатын ірі өндірістік нысандар. Депутат Дмитрий Колода сайлаушыларды Қазақстан Республикасы президенттігіне кандидат Қасым-Жомарт Тоқаевтың сайлауалды тұғырнамасының негізгі бағыттарымен таныстырды.

Сондай-ақ РҚШ мүшелері денсаулық сақтау саласының қызметкерлерімен және Тайынша ауданының жұртшылығымен кездесті.