Солтүстік Қазақстан облысында да тоғыз айда 4 409 адам туып, 4 754 адам қайтыс болды. Бұл туралы Ұлттық статистика бюросының департаменті мәлімдеді, деп хабарлайды Qyzyljarnews.kz тілшісі.
Ведомствоның мәліметінше, осы уақыт ішінде 2 262 ұл, 2 147 қыз бала дүниеге келген. Барлық жаңа туған нәрестелердің 1 904-і немесе 43% — ы Петропавлда туған. Облыс аудандарының ішінде бала туудың ең жоғары коэффициенті Уәлиханов, Ақжар, Ғ. Мүсірепов пен Тимирязев аудандарына тиесілі. Облыс бойынша туу деңгейінің төмендігі Мамлют, Қызылжар және Аққайың аудандарында байқалады.
Өңір тұрғындарының өлім себептерінің статистикасына сүйенсек, қан айналымы жүйесінің аурулары — 15% — дан астам, тыныс алу органдарының аурулары — 15% — ға жуық және ас қорыту органдарының аурулары -9% — дан жоғары. Солтүстікқазақстандықтардың өлімінің 8% — дан астамы обрыс ауруларына байланысты болса, тағы 7% — ы жазатайым оқиғалар, улану және алған жарақаттардан қайтыс болғандарға тиесілі.Бүгінгі таңда облыс халқының саны 535 мың адам. Оның ішінде — 258,8 мың адам қалада, 276,2 мың адам ауылды елді мекендерде тұрады.
