202
СҚО кәсіпкерлер палатасында биыл тауарлардың шығу тегі туралы 2,5 мыңнан астам сертификат берілді. Экспорт өткен жылмен салыстырғанда 10% — ға өсті, деп хабарлайды Qyzyljarnews.kz тілшісі.
Өңірлік кәсіпкерлер палатасының баспасөз қызметінің мәліметінше, Солтүстік Қазақстан облысы Өзбекстанға бидай, кебек және бидай крахмалын, Қырғызстан мен Тәжікстанға — бидай, Ресейге — бидай, макарон өнімдері, мұздатылған жартылай фабрикаттар мен балық, сүт өнімдері, бидай глютені, бидай крахмалы, зығыр, рапс және т.б. экспорттайды.
Украинаға қарақұмық жармасы, бидай крахмалы, жасымық және зығыр экспортталса, Иранға – арпа мен бидай, Ауғанстанға — ұн, тауық жұмыртқасы, Қытайға — бидай және зығыр майы, Түркияға — қатты бидай және жасымық жөнелтіледі.
