Қазгидромет 24-26 қарашаға арналған Қазақстандағы ауа райы болжамын жариялады, деп хабарлайды Qyzyljarnews.kz тілшісі.
«Қазгидрометтің» хабарлауынша, Қазақстан аумағында аяз тұрады. Еліміздің солтүстігі мен шығысында қалың қар жауады. Республиканың орталық бөлігінде қарлы боран соғады. Ел бойынша жел күшейіп, тұман күтіледі.
— Самара облысының аймақтарынан келген циклон әсерінен Қазақстанның басым бөлігінде қар жауады. Батыс пен оңтүстікте жауын-шашын болады,-делінген «Қазгидромет» РМК баспасөз қызметі жариялаған ақпаратта.
25 қарашада елдің солтүстігінде, 26 қарашада елдің шығысында қалың қар жауады. Республикада жел күшейіп, тұман түседі. Солтүстікте, шығыста, орталықта қарлы боран болады. Апта соңында республиканың басым бөлігінде жауын-шашын тоқтап, ауа температурасының күрт төмендеуі болжанды. Солтүстікте, шығыста, орталықта ауа температурасы түнде және күндіз -20 … -29 ° С дейін төмендейді.
