Қазіргі уақытта санитариялық-эпидемиологиялық бақылау департаментінің құрылымында 13 аудандық, бір қалалық басқарма бар, деп хабарлайды qyzyljarnews.kz тілшісі.
-Мемлекет басшысы Қасым-Жомарт Кемелұлы Тоқаев Қазақстанның санитариялық қызметінің материалдық-техникалық базасын нығайтуды тапсырды. Мемлекет басшысының осы тапсырмасын орындау мақсатында ҚР Денсаулық сақтау министрлігі республикалық бюджет есебінен ел бойынша 132 автокөлік сатып алды, оның ішінде 6 автокөлік Солтүстік Қазақстан облысына бөлінді.Автокөліктер өңірдегі санитариялық-эпидемиологиялық жағдайды тұрақтандыруға қызмет ететініне сенімдімін. Профилактикалық жұмыс шеңберінде мамандар ауру ошақтарына бару арқылы аймақта жұқпалы аурулардың таралуын анықтап, алдын алады, — деді СҚО санитариялық- эпидемиологиялық бақылау департаментінің басшысы Әсет Жұматаев.
Сенімді автокөлік-санитариялық-эпидемиологиялық іс-шараларды уақтылы өткізудің кепілі. Департаменттің материалдық-техникалық базасын нығайту үшін Министрлік 2020 жылы біздің облысымыз үшін 5 автокөлік сатып алды. Қазіргі уақытта облыс бойынша санитариялық-эпидемиологиялық қызмет саласында 20 автокөлік бар.
Фото: ашық дереккөздерден.
