СҚО-да облыс әкімінің кубогына шайбалы хоккей жарысы басталды. Турнир Тәуелсіздік күніне орайластырылды. Биыл Петропавл, Есіл, Қызылжар, М. Жұмабаев және Ғ. Мүсірепов атындағы аудандардан 9 команда қатысуда. Бұл чемпионатта тек әуесқой командалар ойнайды, деп хабарлайды Qyzyljarnews.kz тілшісі mtrk.kz сайтына сілтеме жасай отырып.
Бірінші кездесу Петропавлдың екі командасы арасында өтті. Олар мұз айдынында бірінші рет кездесіп отырған жоқ, сондықтан олар бір-бірінің тактикасын жақсы біледі. Кездесу басталғаннан «Петропавл-2» командасы басымдыққа ие болды. 2-ші кезеңде олардың қақпашысы жарақат алып, ауыстыратын адам блмағандықтан қақпа бос қалды. Соған қарамастан гол салып, 12-7 есебімен жеңіске жетті.
Командалар әрқайсысы 3 командадан тұратын 3 кіші топқа бөлінеді. Келесі турға тек 2 үздік команда өтеді. Облыс әкімінің кубогы үшін ойындарға кіру тегін. Айта кету керек, аудандарда хоккей корттарының ашылуымен аймақта көптеген жаңа әуесқой командалар пайда болды.
— Соңғы 5 жылда 6 жабық хоккей корты салынды. Сондай-ақ Тайынша және Айыртау аудандарында тағы екеуінің құрылысы жалғасуда. Сондай-ақ, спорт мектеп-интернатында хоккей бөлімі ашылды. Онда 30-дан астам бала оқиды. Биыл Қазақстанның жастар құрамасына біздің 2 ойыншымыз, яғни Даниил Мұхамадиев және Михаил Калиниченко шақырылды, — деді СҚО дене шынықтыру және спорт басқармасының басшысы Сергей Мелехов.
Облыс әкімінің кубогы ойындарының финалы келесі жылдың наурыз айында спорт сарайында өтеді.
Фото: ашық дереккөздерден.
