«Құлагер» хоккей клубына жаңа бас бапкер тағайындалды. Бұл міндетті енді Ильгиз Нуриев атқарады, деп хабарлайды Qyzyljarnews.kz тілшісі.
«Құлагер» хоккей клубы баспасөз қызметінің мәліметінше, Ильгиз Нуриев көп жылдар бойы солтүстікқазақстандық команда сапында ойнаған. Халықаралық дәрежедегі спорт шебері.
Сынақ кубогы турнирінің екі дүркін жеңімпазы (Канаданың Ванкувер қаласы, 1999 ж.; АҚШ-тың Бостон қаласы, 2004 ж.).
Дүниежүзілік қысқы универсиаданың екі дүркін жеңімпазы, күміс жүлдегері (Италияның Тарвизио қаласы, 2003 ж. алтын; Австрияның Ингсбург қаласы, 2005 ж. алтын; Италияның Турин қаласы, 2007 ж. күміс).
Монблан кубогының қатысушысы (2004 /2005/2006 ж.).
Жоғары хоккей лигасының жеңімпазы (2012-2013 ж.).
Қазақстан чемпионатында екі мәрте қола жүлдегер атанған.
1998-2009 жылдары «Газовик» ХК (РФ Түмен қаласы);
2009-2010 жылдары «Қазақмыс» ХК (Қарағанды қаласы);
2010-2013 жылдары «Сарыарка» ХК (Қарағанды қаласы);
2013-2015 жылдары «Арыстан» ХК (Теміртау қаласы);
2015-2021 жылдары «Құлагер» ХК (Петропавл қаласы) командаларында ойнаған.
