Петропавл қаласы әкімдігі қорындағы бір жарым мыңға жуық пәтер заңсыз жалға берілген. Облыстық сыбайлас жемқорлыққа қарсы іс-қимыл департаменті мамандары жүргізген мониторинг көрсеткендей, үйге зәру жандар баспанаға уақытылы қоныстана алмаған деп хабарлайды Qyzyljarnews.kz тілшісі.
– Петропавлда белгісіз себептермен жетім балалар пәтер кезегінен алынып тасталды. Мұндай 1360 факті тіркелді. Сондай-ақ кезекте тұрмағандарға баспана берудің 70 дерегі анықталды, – дейді СҚО сыбайлас жемқорлыққа қарсы іс-қимыл департаментінің жетекшісі Сергей Перов.
Бүгінгі таңда пәтер кезегінде 15 жылдан артық уақыт тұрған 2 отбасыға көптен күткен баспана кілттері берілді. Заң жүзінде бұл азаматтар осыдан екі жыл бұрын жаңа қоныстарына ие болуы тиіс екенін айта кеткен жөн.
