«Еңбек нарығын дамытудың 2028 жылға дейінгі кешенді жоспарын бекіту туралы» ҚР Үкімет қаулысының жобасы көпшілік талқылауға шығарылды, деп хабарлайды Qyzyljarnews.kz.
— Қаулы жобасын қабылдаудың мақсаты саясат «азаматтардың жекелеген осал санаттарын жұмыспен қамтуға жәрдемдесуден» «еңбекке қабілетті азаматтардың барлық санаттарын нәтижелі жұмыспен қамту үшін тең бастапқы жағдайлар жасауға» көшуді көздейді, — делінген құжатта.
Кешенді жоспар 4 негізгі даму бағытты қамтылған. Құжатта көрсетілгендей, алдағы 5 жылда еңбек нарығын ілгерілету үшін мына жұмыстар жасалады:
— «Сапалы жұмыс орындарын» есепке алу тұжырымдамасы мен әдіснамасын Нормативтік бекіту;
— Шағын және орта бизнес секторында жаңа кәсіпорындарды дамыту үшін қолайлы жағдайлар жасау;
— Өз қызметкерлерінің құзыретін арттыру үшін кәсіпорындарды ынталандыру;
— Жастар тарапынан жұмыс орындарына өсіп келе жатқан қажеттілікті қанағаттандыру үшін кәсіпорындарды қолдау тетіктерін құру;
— Тиімді ерте кәсіби бағдарлаудан бастап үздіксіз кәсіби даму мәдениетін енгізу және дамыту;
— Мүгедектігі бар адамдар үшін мүмкіндіктер жасау;
— CRIRSCO үлгісі бойынша әзірленген KAZRC Кодексі бойынша жария есептіліктің халықаралық стандарттарына көшу;
— Шығындарды азайту және инвестицияланған ресурстардың кірістілігін арттыру арқылы өңдеу өнеркәсібінің тартымдылығын арттыру;
— Шикізат ресурстарын бөлу жөніндегі мемлекет мандатын пайдалану және жеке инвесторлар үшін ерекше жағдайлар жасау арқылы кеңістіктік дамуды ескере отырып, өңдеу өнеркәсібінде ірі капиталды және ғылымды қажетсінетін жобаларды дамытуды қолдау;
— Сараланған салалық салық ставкаларына көшу арқылы орта өнеркәсіптік компаниялар үшін фискалдық ынталандыруларды енгізу, оның ішінде ставкаларды төмендету және қосылған құн салығы мен корпоративтік табыс салығын әкімшілендіру тәртібін жеңілдету.
— Өндірістегі жазатайым оқиғалар мен өлімді азайтуға қаржылық ынталандыруды енгізу арқылы кәсіпорындарды еңбек қауіпсіздігін арттыруға ынталандыру.
—
Осы жұмыстарды орындау есебінен мына нәтижелерге қол жеткізу жоспарланып отыр:
— 2028 жылға қарай жұмыссыздық деңгейін 4,7%-ға дейін төмендету;
— сапалы жұмыс орындарының санын 3,5 млн жұмыс орнына дейін ұлғайту.
Кешенді жоспар 5 мамырға дейін көпшілік талқылауда болады.
