Бір айдың ішінде Петропавл қаласының аулалары мен зираттарынан ірі габаритті қоқыс шығару жұмыстары жүргізіліп, полигонға 700 тоннасы шығарылды, деп хабарлайды Qyzyljarnews.kz тілшісі.
Петропавл қалалық әкімдігінің хабарлауынша, соңғы кездері аулалардағы қоқыс алаңдары ірі габаритті тұрмыстық қалдықтармен толып қалды. Оның басты себебі – көпқабатты баспана тұрғындарының немқұрайдылығы мен пәтер иелері кооперативтері төрағаларының жұмысқа сылбырт қарауы.
– Облыс әкімі қаланы абаттандыру мәселелеріне ерекше көңіл бөлуде. Бұл ретте өңір басшысы үш айлық тазалық науқанын жариялады. Өкініштісі, қалалықтар қоқыс алаңдарындағы ірі габаритті қалдықтарды уақытында шығармауда. Бұл мәселені шешу мақсатында әкімдік мамандары коммуналдық қызмет өкілдеріне жауапкершілікпен қарауды міндеттеуде. Нәтижесінде полигонға 700 тонна қоқыс шығарылды, – дейді Петропавл қаласы әкімдігінің баспасөз хатшысы Эльмира Сәдуақасова.
