СҚО полицейлері үшін психологтар тренингтер өткізуде, деп хабарлайды Qyzyljarnews.kz тілшісі.
Көктемнен бастап күшейтілген режімде Солтүстік Қазақстан полициясы аудандық бөлімдерінің жеке құрамдарымен көшпелі сабақтар өткізіліп жатыр. Жұмыс бағыттарының бірі – ұжымдағы моральдық-психологиялық ахуалды нығайту.
Облыстық ПД психологтары қақтығыстардың түрлері, олардан шығу жолдары туралы айтуда. Материал тренингтер кезінде бекітілді. Оның барысында қызметкерлер жұппен конструктивті және конструктивті емес жолдар мен жанжалды жағдайлардан шығу жолдарын көрсетті. Тимбилдинг — «команда құру» бойынша сабақтар да өткізілді. Қатысушылар босаңсытатын немесе шығармашылық түрлі байқаулар шеңберіндегі өзара іс-қимыл әріптестеріне достық тұрғысынан қарауға мүмкіндік беретінін атап өтті.
– Басшылық пен жеке құрам үшін әртүрлі нысандағы жеке сабақтар өткізілді. Мәселен, Садху тақтасында немесе шегелерде тұру. Дұрыс көзқарас тұрғысынан алғанда, бұл психологиялық жаттығудың күшті құралы. Ол полицияның жұмысына серпін беретін, ерік-жігерді жаттықтыратын, физикалық ыңғайсыздыққа немқұрайлылық танытатын, стресстік жағдайда өзін-өзі басқаруға үйрететін әдістер. Жеке құраммен сабақтардың барлық түрлері қызметкерлерді жеке өсуге, демек, кәсіби деңгейін арттыруға ынталандыруға бағытталған, – дейді СҚО ПД кадр саясаты басқармасының аға инспектор-психологы Ләззат Ділдабаева.
