Облыста жұмыссыздар саны өсіп келеді, деп хабарлайды Qyzyljarnews.kz тілшісі.
Ұлттық статистика бюросы департаментінің мәліметінше, жұмыссыздардың жалпы санында ерлер үлесі 47%, әйелдер 53% құрады. Жастар жұмыссыздығының деңгейі-4,8%-ға жетсе, бұл санатқа 15-34 жас аралығындағы солтүстікқазақстандықтар кірді.
— Ресми түрде жұмыспен қамту органдарында 5,9 мың адам жұмыссыз деп тіркелген. Бұл жалпы еңбекке жарамды азаматтардың 2,1% құрайды, — делінген ұлттық статситика бюросы департаментінің ақпаратында
Облыс экономикасының түрлі салаларында екінші тоқсанда барлығы 274,2 мың адам немесе 15 және одан жоғары жастағы халықтың 64,4% — ы жұмыспен қамтылған. Олардың ішінде 52,3% — ерлер, 47,7% — әйелдер. Бұл ретте жұмыспен қамтылғандар арасында жалдамалы қызметкерлердің – 75% — дан астамы немесе 207 мыңға жуық адамды құрап отыр.
