Қала тұрғындары жол жиегінде жатқан бос табытты тауып, әлеуметтік желілерде жазба қалдырған болатын. Жерлеуге қолданылатын қорапты облыстық полиция департаменті назарға алып, түсініктеме берді, деп хабарлайды Qyzyljarnews.kz тілшісі.
Бос табыт көрсетілген бейнесуреттер әлеуметтік желіде біреуді таң қалдырса, енді басқаларды қорқытқаны рас. Интернет кеңістігінде тез тарап кеткен суретке қала тұрғындары өз болжамдарын жасап, жазба астындағы пікірлерін қалдырды.
Суретті назарға алған облыстық полиция департаментінің қызметкерлері әлеуметтік желіде мониторинг жүргізіп, бос табыттың фотомонтаж емес екендігіне көз жеткізді.
— «Qyzyljar» қалалық мешітінің жанындағы мәйітхана қызметкерлері табытты одан әрі пайдалану үшін шығарғанын анықтады. Қазіргі уақытта жәшік ғимаратқа енгізілді, — деп мәлімдеді СҚО ПД баспасөз қызметі.
