СҚО полицейлері үш күннің ішінде жылдамдықты асырудың 201 фактісін және көлікті мас күйде тізгіндеген 28 жүргізушіні анықтады, деп хабарлайды Qyzyljarnews.kz тілшісі.
Облыс полицейлері «Жол-көлік оқиғасын тоқтату» акциясын өткізді. Мақсаты – апатқа тікелей әсер ететін көлік жүргізушілерін анықтау және жол жүру ережелерін сақтауды қамтамасыз ету.
Облыстың географиялық орналасуына және оның аумағындағы транзиттік көліктің көптігіне байланысты республикалық және облыстық маңызы бар автожолдардағы қозғалыс қауіпсіздігіне ерекше назар аударылды. Ең жиі кездесетін бұзушылықтар – жылдамдықты арттыру, оған 201 жүргізуші жол берген.
– Облыс жолдарында жол қауіпсіздігін нығайту бойынша мақсатты жұмыстың нәтижесінде 28 мас жүргізуші ұсталды. Бұдан басқа, жолды белгіленбеген жерден немесе бағдаршамның тыйым салу сигналынан өткен 304 жаяу жүргінші жауапқа тартылды, – дейді СҚО ПД ЖПҚ басқармасының бастығы Айдын Байматов.
