Облыс әкімі Ғауез Нұрмұхамбетов жұмыс сапарымен Айыртау ауданында болды, деп хабарлайды Qyzyljarnews.kz тілшісі.
Өңір басшысы Айыртау ауданындағы Лобаново ауылындағы дәрігерлік пунктің құрылысымен танысты. Жаңа медициналық мекеме биыл ауыл тұрғындарының игілігіне беріледі деп жоспарланған.
— Қазір облыста «Ауылдық денсаулық сақтауды жаңғырту» ұлттық жобасы аясында 7 медициналық нысан салынып жатыр. Денсаулық сақтау мекемелерінің қолданысқа берілуімен қызмет сапасы жақсарады деген сенімдемін, — деді облыс әкімі.
Лобаново ауылында өңір басшысы жергілікті тұрғындармен кездесіп, жеке инвестицияның көмегімен былтыр ашылған көпсалалы колледждің оқу процесімен де танысты. Ал Шалқар ауылында тарату желілері бар су торабы салынуда. Саумалкөлде болса, ірімшік шығаратын кәсіпорынға барып, жаңа жылу қазандығына көрді.
