Түркияның Адана қаласында «Global art competition – 2023» атты халықаралық жас орындаушылар байқауы өтті. Бұл сында Е.Серкебаев атындағы өнер колледжі-мектеп-интернат кешенінің тәрбиеленушілері мен оқытушылары жүлдегерлер қатарынан көрінді, деп хабарлайды Qyzyljarnews.kz тілшісі.
Халықаралық байқауға Грузия, Армения, Греция, Түркия мемлекеттері мен Қазақстан қалаларынан өнерлі жастар қатысты. Петропавлдың Е.Серкебаев атындағы өнер колледжі-мектеп-интернат кешенінің өкілдері түрлі аталымдар бойынша 5 алтын, 4 күміс және 2 қола медаль еншіледі.
Асхат Ғалеев – «Домбыра», Анель Құлыбекова – «Ішекті аспап», Мария Кудальцова – «Фортепиано», Василия Габидуллина мен Ақерке Әбиева – «Академиялық ән салу» аталымдары бойынша жеңімпаз атанды.
Ал Досым Ұлтарақов – «Фортепиано», Мәди Құсайынов – «Академиялық ән салу», Екатерина Лапухина – «Фортепиано», Зейнер Мұхитұлы – «Труба» номинациясында екінші орын иегерлері атанды.
Артем Кислощей – «Альт», Радмир Кислощей – «Скрипка» аталымдарда үздік үштікті қорытындылады.
