Облыста ветеринар мамандар 6878 үй жануарына чип қойды. Оның 4030 – ит, 2848-і – мысық, деп хабарлайды Qyzyljarnews.kz тілшісі.
СҚО ветеринария басқармасының мәліметінше, сәуір айынан бері өңірде ит-мысықтарды идентификациялау жұмыстары жүргізіліп келеді. Бұл шара үй жануарларын арнайы базаға тіркеп, иелерінің жауапкершілігін арттыру мақсатында ұйымдастырылып жатыр.
– Биыл әлжуаз топтарға жатқызылған азаматтардың ит пен мысықтарын чиптеу тегін түрде жүргізіледі. Қазіргі уақытта жұмыс облыс орталығында ғана емес, өңірдің аудандарында да жүйелі түрде атқарылып жатыр. 7 мыңға жуық үй жануарының 2399-ы ауылдық жерде идентификацияланды. Оның 1890-ның иесі – әлеуметті аз қамтылған азаматтар, – дейді СҚО ветеринария басқармасының баспасөз қызметі.
Әл-жуаз топтарға жануар иелерінің ит-мысықтарын тегін идентификациялауға 12759 чип сатып алынды.
