СҚО-да жыл басынан бері адам саудасына қатысты қылмыстардың 11 фактісі тіркелді, деп хабарлайды Qyzyljarnews.kz тілшісі.
СҚО прокуратурасының мәліметінше, адам сауда қатысты соңғы қылмыс тамыз айында тіркелген. Петропавлда Ақмола облысының тұрғыны Ю. 18 жастағы қызға қысым көрсетіп, жезөкшелікпен айналысуға мәжбүрлеген. Бұл деректі анықтған құқық органдары істі сотқа жіберіп, сот үкімімен Ю. азамат 6 жылға бас бостандығынан айырылды.
– Солтүстік Қазақстан облысының прокуратурасы азаматтарды қырағы болуға, шетелде жұмыс істеуге еліктіретін ұсыныстармен келіспеуге шақырады, жұмыс берушінің, адалдығына көз жеткізбей, жоғары ақы төленетін жұмыс туралы тиісті еңбек шартын жасамай еңбек қатынастарына түспеулерін еске салады, — делінген СҚО прокуратура мәлімдемесінде.
