102
СҚО әкімі Ғауез Нұрмұхамбетов Петропавлда салынып жатқан әлеуметтік маңызы бар нысандардың құрылысымен танысты, деп хабарлайды Qyzyljarnews.kz.
Облыс орталығында «Орман» және «Береке» шағынаудандарындағы «Жайлы мектеп» ұлттық жобасы аясындағы тұрғызылып жатқан екі мектептің құрылысы жүргізілуде. Сондай-ақ университет студенттеріне арналған жатақхана салынуда.
Биыл «Берекедегі» спорт кешені мен арнайы мектеп-интернаты пайдалануға берілетінін атап өткен жөн. Қаланы аралау кезінде облыс әкімі Ғауез Нұрмұхамбетов аталған нысандардың құрылыс барысын тексерді. Өңір басшысы жауапты басшыларға құрылысқа қарқын қосып, еңбеккерлер санын көбейтіп, барлық жұмыстарды мерзімінде аяқтауды тапсырды.
