158
Жақында Петропавл қаласының 16 жастағы тұрғынына қатысты сот процесі аяқталды, деп хабарлайды Qyzyljarnews.kz тілшісі.
Өткен жылдың қазан айында қаланың ойын-сауық орталықтарының бірінде бомба қойылды деген ақпаратпен бәзбіреу «102» арнасына қоңырау шалған. Оқиға орнына барлық жедел қызметтер дереу жетті, жарылғыш құрылғы табылған жоқ. Полицейлер жалған хабар берген азаматтың «ізін суытпай» тапты.
Қаңтардың 24-і күні СҚО кәмелетке толмағандар жөніндегі мамандандырылған ауданаралық сотф жалған ақпарат берген жасөспірімді 1 жыл 6 айға бас бостандығын шектеуге үкім шығарды.
СҚО ПД экстремизмге қарсы іс-қимыл басқармасының хабарлауынша, өткен жылы облыс аумағында ҚР ҚК-нің 273-бабы бойынша барлығы 2 адам, осы жылы 1 адам ұсталды.
