Су тасқынынан кейін Петропавлдың Ойқала және Косогор шағынаудандарындағы 12 үй жарамсыз деп танылды. Бұл туралы қала әкімі Серік Мұхамедиев тұрғындармен кездесу барысында айтты, деп хабарлайды Qyzyljarnews.kz тілшісі.
Қала әкімінің сөзінше, өмір сүруге жарамсыз үйлердің орнына тұрғындар баспаналарына балама тауып, жаңа қоныстарына көшуі қажет.
– Үйлері жарамсыз қалғандар өздерінің бұрынғы баспаналарының баламасын тауып, қалалық әкімдікке өз ұсыныстарын беруі керек. Біздің тарапымыздан ақша бөлініп, оларды сатып аламыз. Бүгінгі күні кілттерін табыстауға дайын 18 пәтер мен риэлторлар әзірлеген базада тағы 204 пәтер бар. Сондай-ақ Солнечный кентінде үй құрылысына белгіленген 100 жер учаскесі қарастырылған. Олар бір типті, аумағы 80 шаршы метр болмақ, — деді қала әкімі Серік Мұхамедиев.
