Қазақстан Республикасының Премьер-Министрі Әлихан Смайыловтың төрағалығымен өткен Үкімет отырысында Балалар жылын өткізу мәселелері қаралды. Президенттің Жарлығымен 2022 жыл Балалар жылы болып жарияланды, деп хабарлайды Qyzyljarnews.kz тілшісі.
Әлихан Смайылов облыс әкімдіктеріне әлеуметтік жағынан аз қамтылған санаттағы балаларды сауықтыру шараларымен, жазғы демалыспен және бос уақыттарын пайдалы өткізумен барынша қамтуды тапсырды.
Денсаулық сақтау бойынша шалғайдағы елді-мекендерде балалардың денсаулық жағдайына скринингтік және стоматологиялық тексерулер жүргізу үшін жылжымалы медициналық пункттердің жұмыс істеуіне қатысты шаралар қабылдануы қажет. Ішкі туризмді дамыту аясында балалар үшін экскурсиялық-танымдық іс-шаралар ұйымдастыру керек.
-Қорыта айтқанда, барлық өңір әкімдеріне Балалар жылына арналған іс-шаралардың орындалуын жеке бақылауға алуды тапсырамын, — деп түйіндеді Әлихан Смайылов.
Фото: ашық дереккөздерден
