Екінші деңгейлі банктерен қаражатты жүйелі түрде қолма-қол ақшаға айналдырумен айналысып келген топты Қаржылық мониторинг агенттігінің Солтүстік Қазақстан облысы бойынша аумақтық департаменті анықтаған, деп хабарлайды Qyzyljarnews.kz тілшісі.
Белгілі болғандай, қала тұрғыны 2018-2020 жылдар аралығында қылмыстық топ құрып, оны басқарған. Қылмыстық топ бақылауындағы коммерциялық компаниялар арқылы жалпы сомасы шамамен 1,4 млрд. теңгеге шот-фактуралар жасаған.
Сот үкімімен қылмысты ұйымдастырушы кінәлі деп танылып, мүлкі тәркіленіп, 7 жыл 6 айға бас бостандығынан айырылды. Ұйымдасқан қылмыстық топ мүшелері мүлкі тәркіленіп, 5 және 6 жылға қамауға алынды. Облыстық соттың қылмыстық істер жөніндегі сот алқасы Петропавл қалалық сотының үкімін өзгеріссіз қалдырды.
Фото: ашық дереккөздерден
