Еліміздің басым бөлігінде 4 – 6 қазан аралығында күн жылы болады

Синоптиктер 4 – 6 қазанға арналған ауа райы болжамын ұсынды, деп хабарлайды Qyzyljarnews.kz тілшісі.

«Қазгидромет» РМК таратқан ақпарат бойынша, жаңбыр мен жылбысқы қар түріндегі жауын-шашын күтілетін батыстың жекелеген аудандары мен оңтүстік Қазақстанның таулы аймақтарын қоспағанда, негізінен құрғақ және шуақты ауа райы күтіледі. Ал ауа күндізгі сағаттарда, түндегі суыққа қарамастан, біртіндеп жылынады.
Солтүстікте термометрлердің бағаналары күндіз 8-13-тен 15-20 градус жылыға дейін, оңтүстік өңірлерде 15-20-дан 20-25 градус жылыға дейін көтеріледі, елдің батысы мен оңтүстік-шығысында ауа температурасы 15-23 градус, шығысында және Қазақстанның оңтүстік-шығысындағы таулы аудандарында 5-13 градус жылы болады