Республикалық трассада жүк көліктерінің рұқсат етілген салмағын асыру фактілері анықталды, деп хабарлайды Qyzyljarnews.kz тілшісі.
Астана – Петропавл бағытындағы А-1 тас жолына шыққан «Жол активтерінің сапасы ұлттық орталығы» республикалық мемлекеттік кәсіпорнының мамандары көлік бақылау инпекциясымен бірлесе рейд жүргізді. Нәтижесінде белгіленген талаптарды бұзған 3 көлік жүргізушісі жауапқа тартылды.
– Республикалық трассада жүк көліктерінің салмағы 10 тоннадан аспауы қажет. Өкінішке қарай, бұл талаптарды сақтамағандар табылды. Олар Әкімшілік кодексінің 571-бабы, яғни жолаушыларды және жүкті тасымалдау ережелерін бұзуға қатысты жазаға тартылып, техникалары тәркіленді. Құқық бұзған жүргізушілер 335 980 теңге көлемінде айыппұл төлегеннен соң темір тұлпарлары иелеріне қайтарылады, – дейді «Жол активтерінің сапасы ұлттық орталығы» РМК СҚОФ баспасөз қызметі.
