М.Жұмабаев ауданында орман алқабы өртке оранды

М. Жұмабаев ауданында орман өрті тіркелді. Қызыл жалын бір сағаттың ішінде оқшауланды, деп хабарлайды Qyzyljarnews.kz тілшісі.

Облыстық төтенше жағдайлар департаменті баспасөз қызметінің мәліметінше, Булаево ауылынан 6 шақырым жердегі Суворов орман шаруашылығында 0,2 га аумақта құрғақ шөп өртенген. От орман алқабына өтіп, қызыл жалын 0,8 га ауданды шарпыды.

Өрт туралы хабар сағат 12.48-де келіп түсті. Қызыл жалын 14.57-де ауыздықталды. Зардап шеккендер жоқ. Әзірге өрттің шығу салдары анықталуда.

Оқиға орнына жеке құрамның сегіз адамы және №12 өрт сөндіру бөлімінің екі техникасы орман шаруашылығы, жергілікті атқарушы органдардың қызметкерлері жұмылдырылды.