411
Қазақстан Республикасының Қаржылық мониторинг агенттігі аумақтық департаменті облыста қаржы пирамидасын ұйымдастыру фактісін анықтады, деп хабарлайды Qyzyljarnews.kz тілшісі.
-Қаржы пирамидасын ұйымдастырушылар 2021 жылдан 2022 жылға дейін «Baspana Plus», «Tulpar Plus» жобалары аясында өзге қатысушылардың жарналары есебінен пәтер мен автокөлік алып береміз деп, халықтың ақшасын жымқырған. Жәбір көрген 2 тұрғын 3 831 000 теңге көлемінде шығынға ұшырады,-деді ведомство өкілдері.
Аталған факті бойынша Қазақстан Республикасы Қылмыстық Кодексінің 217-бабы 2-бөлігі «қаржы пирамидасын құру» бойынша сотқа дейінгі тергеу басталды.
