110
Петропавлда жүргізуші жол белгісін соғып, оқиға орнынан қашып кеткен, деп хабарлайды Qyzyljarnews.kz тілшісі.
24 қыркүйек күні сағат түнгі 01:00 шамасында Н.Назарбаев пен Ғ.Мүсірепов көшелерінің қиылысында екі көлік соқтығысып, жол белгісін зақымдаған Hyundai Sonata автокөлігінің жүргізушісі оқиға орнынан қашып кеткен. Жол-көлік оқиғасы салдарынан қаладағы медициналық мекемелердің біріне 24 жастағы «Шкода Октавия» жолаушысы жеткізілді.
ЖКО фактісі бойынша Қазақстан Республикасы ӘҚБтК-нің 611-бабының 2-бөлігі «жүргізушінің жол-көлік оқиғасына байланысты міндеттерін орындамауы» бойынша Әкімшілік құқық бұзушылық туралы іс қозғалды. Қазіргі уақытта жол-көлік оқиғасына қатысы бар адамды анықтауға бағытталған іздестіру іс-шаралары жүргізілуде.
