2023 жылғы 11 қаңтардағы үкімет отырысында жаңадан тағайындалған министрлер ант қабылдады, деп хабарлайды Qyzyljarnews.kz тілшісі.
Қазақстан Республикасының Премьер-Министрі Әлихан Смайылов еске салғандай, мемлекет басшысы бірнеше министрлікте жаңа кадрлық тағайындаулар жасады.
– Мемлекет басшысының Жарлығымен Әділет министрі Азамат Есқараев, Индустрия және инфрақұрылымдық даму министрі Марат Қарабаев, Экология министрі Зүлфия Сүлейменова, Білім министрі Ғани Бейсембаев және Мәдениет және спорт министрлігіне Оралов тағайындалды. Енді Қазақстан Республикасының Үкіметі туралы конституциялық заңға сәйкес Үкіметке алғаш рет ант беруді бастауыңызды сұраймын, — деді Әлихан Смайылов
Жаңадан тағайындалған министрлік басшыларының әрқайсысы мемлекеттік тілде оқып, ант қабылдады.
– Қазақстан Республикасының халқы мен Президентінің алдында бар күш-жігерім мен білімімді Отанымның гүлденуі жолында жұмсауға, мемлекеттің Конституциясы мен заңдарын бұлжытпай сақтауға, Қазақстан халқына адал қызмет етуге салтанатты түрде ант етемін, — деді министрлер.
Бұған дейін Мемлекет басшысы Қасым-Жомарт Тоқаев Индустрия және инфрақұрылымдық даму министрі Марат Қарабаевты, Экология және табиғи ресурстар министрі Зүлфия Сүлейменованы, Мәдениет және спорт министрі Асхат Ораловты, Білім министрі Ғани Бейсембаевты және Әділет министрі Азамат Есқараевты қабылдады
