Бюджеттік қаражатты пайдалану саласында жүргізілген талдау барысында мемлекеттік сатып алулар туралы заңнама талаптарын бұзу фактілері анықталды. Бұл туралы СҚО прокуратурасы хабарлап отыр, деп жазады Qyzyljarnews.kz тілшісі.
Облыстық прокуратураның мәліметінше, Мамлют ауданының тұрғын үй-коммуналдық шаруашылық бөлімінің лауазымды тұлғалары «Мемлекеттік сатып алу туралы» Заңның талаптарын бұзған. Мемлекеттік қызметшілер Покровка ауылында сумен қамту объектісінің құрылыс жұмыстары орындалмаса да, тиісті мердігерге 87 млн. теңге төлем жасаған.
– Прокурорлық қадағалау актісі және Әдеп бойынша Кеңестің ұсыныстары бойынша тұрғын үй-коммуналдық шаруашылық бөлімінің басшысы мемлекеттік қызметтен босатылды. Негізсіз төленген қаражат толық көлемде қайтарылды. ҚұрылысТың барысы бақылауға алынды, — делінген СҚО прокуратурасы таратқан мәліметте.
