117
Облыс әкімі Ғауез Нұрмұхамбетов Петропавлда студенттерге салынып жатқан жатақханалар құрылысымен танысты, деп хабарлайды Qyzyljarnews.kz тілшісі.
Бүгіндері облыста студенттерді жатақханамен қамту мәселесі өзекті. СҚО білім басқармасының мәліметіне сүйенсек, өңірде әлі де 2 мың жатын орын жетіспейді.
Петропавлда 1750 орынға шақталған 3 жатақхананың құрылыс жүргізілуде. Жыл соңына дейін оның екеуі қолданысқа беріледі деп жоспарланып отыр.
– Студенттер екі жатақханаға биыл қоныстанса, үшіншісінің құрылысы 2024 жылы аяқталады. Нәтижесінде бұл мәселе оң шешіледі, — деп жазды облыс әкімі әлеуметтік желідегі парақшасында.
