90
Қазақстандық файтер Шавкат Рахмонов Лас-Вегаста өтіп жатқан «UFC 296» турнирі аясында америкалық Стивен Томпсонмен жекпе-жекке шықты, деп хабарлайды Qyzyljarnews.kz.
Қазақстандық файтер әуеліден-ақ америкалықпен жекпе-жекте айқын фаворит саналған. Қазақстандық үшін бұл ең ірі промоушендегі алтыншы жекпе-жек болды. Шавкат Рахмонов үшін бірінші раунд тек клинч-бақылауда өтті. Ал екінші раундта ол қылқындыру әдісінің арқасында ММА-да 18 және UFC-де 6-рет уақытынан бұрын жеңіске жетті.
Туризм және спорт министрі Ермек Мыржықпаевн қазақстандық Шавкат Рахмоновтың кезекті жеңісіне құттықтады.
— Еліміздің тәуелсіздік күнінде таң азанымен АҚШ-тан ақжолтай хабар жетті. Аралас жекпе-жектегі ел мақтанышы Шавкат Рахмонов бүгін UFC-де кезекті айқасын өткізіп, қазақ елін тағы бір жарқын жеңісімен қуантты. Егемендік күнінде ел тұрғындарын қуанышқа бөлеген даңқты спортшымызды жеңісімен шын жүректен құттықтаймын! — деді Туризм және спорт министрі Ермек Маржықпаев.
