Мемлекеттік сатып алу сайтында Петропавлда 53 пәтер сатып алу туралы лот пайда болды. Қала әкімшілігі тұрғын үйді салушылардан сатып алады. Кейін дәл сол жердегі ескі баспаналарда тұрған қалалықтарды жаңа нысандарға орналастырады, деп хабарлайды Qyzyljarnews.kz тілшісі.
Тапсырыс беруші – «Петропавл қаласы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімі» коммуналдық мемлекеттік мекемесі. Лоттың атауы-пәтер, қосымша сипаттамасында -55,1 ш. м-ден 60 ш. м-ге дейін пәтер сатып алынады, жоспарлы сомасы-21,8 млн теңге деп көрсетілген. Бұл хабарландыруда бұдан жалпы аумағы әртүрлі тағы 52 пәтер көрсетілген. Олардың жалпы құны 1 001 830 000 теңге деп көрсетілген. Конкурсқа қатысуға өтінімдерді қабылдау 26 маусымда аяқталады.
Фото: Qyzyljarnews.kz / Талғат Тәнібаев
