Мемлекеттік грант алушыларды тексеру кезінде 2,2 миллион теңгеден астам сомаға қаржылық бұзушылықтар анықталды. Тағы 4 миллион теңгені рәсімдеу кезінде заң бұзылған, деп хабарлайды Qyzyljarnews.kz тілшісі.
«Бірінші сыбайлас жемқорлыққа қарсы іс-қимыл агенттігі» РҚБ филиалының басшысы Руслан Асаубаев Солтүстік Қазақстан облысы бойынша ішкі мемлекеттік аудит департаментіне жүгінді.
— «Петропавл әкімдігінің халықты жұмыспен қамту орталығы» КММ –нің бизнес-идеяларды дамытуға арналған гранттарды беру заңдылығын, атап айтқанда, бюджет қаражатының дұрыс мақсатта пайдаланылуын, 12 грант алушы тарапынан ұсынылған құжаттардың түпнұсқасының дұрыстығын тексеруді сұраймын,- делінген өтініште.
Гранттардың әрқайсысы жарты миллион теңгеден астам. Мемлекеттік қолдауға ие болғандар 2017-2021 жылдарға арналған «Еңбек» нәтижелі жұмыспен қамтуды және жаппай кәсіпкерлікті дамыту бағдарламасы бойынша бизнес-идеяларды іске асыруға тиіс еді. Қоғам белсендісә жобалардың бір бөлігі, соның ішінде тігін шеберханаларын ашу жалған деп күдігін алға тартты. Ал көрсетілген мекен-жайда цех мүлдем болмаған.
Жұмыспен қамту орталығы құрған комиссия кейбір келісімшарттардың тіркелмегенін, ал тігін ісі бойынша фото-есеп тек бір шеберханадан ұсынылғанын анықтады. Мәселен, Петропавл қаласының тұрғыны тігін шеберханасын ашуға грант алған. Әйел адам 583 мың теңгеге тиісті жабдықтарды сатып алу үшін келісім-шарт жасасыпты. Шындығына келгенде, ешқандай құрал алмағаны белгілі болды. Жалған тігінші қосымша ақша табу үшін құжат рәсімдеп, қолына 90 мың теңге алғанын айтып өз ісін мойындады.
Pexels иллюстрациялық фотосы
