СҚО-ның 13 ауданында облыстық маңызы бар жолдарға үш ұйым жауапты деп хабарлайды Qyzyljarnews.kz тілшісі.
— Бүгінгі таңда 250 мың шаршы метр аумақтағы ағашты кесу жұмыстары жүргізіліп, 1650 тонна құм дайындалды. Аудандар бойынша 22 мердігер ұйым, 104 бірлік техника және 162 адам жұмылдырылды, 867 тонна құм дайындалды, — деп хабарлады «ҚазАвтоЖол «ҰК» АҚ СҚОФ директоры Қуаныш Ескендіров.
Сондай-ақ, мамандар автомобиль жолдарын күтіп ұстау сапасын бақылауды жалғастыруда.
— Ағымдағы жылы республикалық желілердегі қысқы күтімдегі олқылықтарды анықтау үшін мамандар 72 рет шығып, тексеріс жүргізді. 110 ескерту жасалды, оның 108 — і жойылды, екеуі бойынша жұмыс атқарылып жатыр. Облыстық автожолдардың қысқы күтімін тексеру үшін 26 тексеріс жүргізілді, 31 ескерту жасалып, олқылықтардың дені жойылды. Оның ішінде учаскелерді қар басуы, мұздың алынбауы секілді табиғи факторлар әсер ететін жағдайлар, — деді «Жол активтері сапасының ұлттық орталығы» РМК СҚО бойынша филиалының директоры Жолдыбай Тентеков.
Фото: ашық дереккөздерден.