Облыс полицейлері айыппұлын өтемеген 466 борышкерді анықтады, деп хабарлайды Qyzyljarnews.kz тілшісі.
СҚО-да жүргізушілердің тәртібін арттыру мақсатында «Борышкер» жедел-профилактикалық іс-шарасы өтіп, полицияның заманауи техникалық арсеналы кең қолданыс тапты.
Патрульдік полиция батальонының қызметкерлері «Мегакам.Қорғау» арқылы жолдарда 40-қа жуық борышкерді анықтады. Бұл құрылғылардың көмегімен екі күннің ішінде қарызы бар 88 азамат табылды.
– Құқық бұзушылар 40 күннің ішінде айыппұлдарын өтемесе, жинақталған материалдар жеке сот орындаушыларына жіберіледі. Борышкердің көлігі айыппұл төленгенге дейін арнайы автотұраққа қойылуы да мүмкін. СҚО-да қызметкерлеріміз шара шеңберінде 466 жол ережесін бұзушыдан айыппұлдарын өндірді, -дейді СҚО ПД әкімшілік полиция басқармасының бастығы Серік Әлжанов.
