«Береке» шағынауданындағы емхана қолданысқа берілді

Берекеліктер үшін қуанышты жаңалық. Үш жыл бойы құрылысы аяқталмай жатқан емхана халық игілігіне тапсырылды, деп хабарлайды Qyzyljarnews.kz тілшісі.

Жаңа емдеу мекемесі «Береке» шағынауданында бой түзеген. Емхана бір мезетте 250 адамды қабылдай алады. Заманауи техникамен жабдықталған денсаулық сақтау орны 15 мың берекелікке қызмет ететін болды.

№2 қалалық емхананың бас дәрігері Аманжол Қазиевтің айтуынша, емханада 30 білікті маман жұмыс істейді. Учаскелік терапевтер күн сайын науқастарды қабылдайды. Екі қабатты ғимарат 105 кабинеттен тұрады.