108
Жыл басынан бері облыста 575 өрт оқиғасы тіркелді. Салдарынан 32 адам көз жұмса, 28-і түрлі дене жарақатын алды, деп хабарлайды Qyzyljarnews.kz тілшісі.
СҚО ТЖД бастығының орынбасары Дмитрий Растихиннің айтуынша, биыл өткен жылмен салыстырғанда өрт оқиғалары біршама азайған.
– Биыл 575 өрт оқиғасы тіркелсе, былтыр олардың саны 665-ті құраған болатын. Тілсіз жау орын алған жерлердің басым бөлігі – жеке тұрғын үй секторы. Тұрғындар пешті дұрыс орнатпайды, кейбірі қарапайым қауіпсіздік ережелерін елемейді. Салдарынан қызыл жалын адамдардың өмірін қиюда. Үстіміздегі жылы келтірілген материалдық шығын көлемі – 451 млн. 459 мың теңгені құрады, — деді Дмитрий Растихин.
