Келесі оқу жылынан бастап «Өзін-өзі тану» міндетті пәндер тізімінен алынып, факультативтік сабақтардың қатарына қосылмақ, деп хабарлайды Qyzyljarnews.kz тілшісі.
Білім және ғылым министрлігінің мамандары аталған пәнді мектеп бағдарламасынан алып тастау туралы халық тарапынан ұсыныстар түсіп жатқанын айтады. Сондықтан, қыркүйек айынан бастап «Өзін-өзі тану» пәні оқушылардың таңдауы бойынша тек бір сыныпта ғана оқытылатын болады. Демек, психологиялық сабақ бұрынғыдай 1 мен 11-сыныптың ұл-қыздарының барлығына дерлік берілмейді.
Сондай-ақ, министрліктің хабарлауынша, бүгіндері барлық пәндер бойынша оқу бағдарламалары жаңартылуда. Әрі мектеп оқушыларының оқу жүктемесін азайту мүмкіндігі қарастырылып жатыр.