Солтүстік Қазақстан облысында 1,5 мың көппәтерлі тұрғын үйдің 1200-і басқарудың жаңа түріне көшті, деп хабарлайды Qyzyljarnews.kz тілшісі.
Брифингте облыстық ТҮКШ басқармасының басшысы Бақыт Ілиясов өңірде барлығы 1,8 мыңнан астам көппәтерлі үй бар екенін, бірақ олардың 300-ге жуығының не көлемі шағын,не апаттық деп танылғанын және біразы коммуналдық меншікте екенін атап өтті. Олар басқарудың жаңа формасына ауысатындар тізіміне енбейді. Қалғандары 1 шілдеге дейін ауысулары керек.
— Қазір облыста басқарудың 1269 жаңа нысаны немесе жалпы санның 82% құрылды. Оның ішінде 141 мүлік иелерінің бірлестігі және 1128 қарапайым серіктестік. Қалған көп пәтерлі тұрғын үйлерді басқарудың жаңа түрлеріне көшіру бойынша жол картасы бекітілді. Сонымен қатар, жобалық кеңсе аясында аудандар мен қалалардың әкімдіктері «Easy project» жүйесіне кондоминиум объектілерін басқарудың жаңа нысандарын енгізу бойынша жұмыс жүргізуде, — деді Бақыт Ілиясов.
Фото Qyzyljarnews.kz / Талғат Тәнібаев
